Сайн байна уу? Өөрийгөө дэлгэрэнгүй танилцууулна уу?

Сайн байна уу? Намайг Мишээл гэдэг. Би саяхан 10 жилээ дүүргэсэн шинэхэн төгсөгч. Одоогоор Gap year аван энэ жилийг өөрийгөө таних, нээх, олон шинэ зүйлийг туршиж үзэх цаг хугацаа болгон зөвөөр ашиглахыг хичээж байна.

Та яагаад Эрксисд нэгдсэн бэ?

Би нэг хөтөлбөрт хамрагддаг эгчтэйгээ нийлэн дадлага хийхээр шийдсэн. Эрхэсийг бид хоёр өмнө нь нэлээн сонсож байсан ч яг юу хийдэг, яаж ажилладаг талаар сайн мэддэггүй байсан тул шууд л эхнийхээ сонголтоор хүрээд ирсэн. Гэтэл үнэхээр халуун дотноор хүлээж авч, компаниа дэлгэрэнгүй танилцуулж эхэлсэн нь үнэхээр сэтгэлд хүрч бид хоёр шууд л маргаашаас нь ажиллахаар болсон.

Эрксисд ажиллахын давуу тал

Хамт олны уур амьсгал үнэхээр халуун дулаан. Бид бие биесээ үргэлж түшиж тулдаг. Яг л нэг гэр бүл шиг. Хөгжилдөх үедээ хөгжилдөнө. Ажлаа хийх үедээ хийнэ. Ажилчдын уур амьсгал ийм болохоор хэрэглэгчдийн сэтгэл ханамж ч өндөр байдаг байх.

Таны ажлын нэг өдөр хэрхэн өнгөрдөг вэ?

Ажлын цаг нь их уян хатан. Би хажуугаар нь хэлээ бэлдээд, сургалтад явах зэрэг нэлээн завгүй байдаг болохоор өөрийнхөө ажиллаж болох цагт ирээд гэрээсээ хүртэл ажиллаж болдог нь их давуу талтай. Тиймээс ажилдаа цагтаа ирээд хийх ёстой зүйлсээ хийгээд мөн орой хэд хүртэл ч суух боломжтой нь бусад даалгавруудаа ч амжуулахад тус болдог.

Ажлаас гадуур, чөлөөт цагаараа юу хийх дуртай вэ?

Би хичээлээс гадуурх цагаараа хэлээ давтах, шинэ найзуудтай болж, өөр хүрээлэлд орох, шинэлэг зүйлс туршиж үзэх ялангуяа олон төрлийн төслүүд дээр орж мэдлэгээ тэлэх дуртай.

Таны хүсэл, мөрөөдөл?

Миний хүсэл мөрөөдөл бага байхад бол баян, эрх мэдэлтэй болох байсан. Харин том болоод олон шинэ зүйлс, юм болгонд ашиг харахгүй ажиллаж эхэлснээр хүнд туслах, нийгэмд тулгамдаж буй асуудалд хувь нэмрээ оруулах нь мөнгөөр хэмжишгүй үнэ цэнтэй болохыг ойлгосон. Тиймээс би өөрийн сурсан мэдсэнээ цаашид боловсролыг бүх нийтэд эрх тэгш байлгахын төлөө зориулна, үүнд том нөлөөллийг авчирна гэж мөрөөддөг болсон.

Та Эрксис гэр бүлийн шинэхэн гишүүн Б. Мишээл – тэй танилцлаа. Дараагийн дугаараар удахгүй уулзъя.